الأخبار العربية | الأخبار – Yahoo! مكتوب

الثلاثاء، 19 فبراير، 2013

بقلم /عمرو ممدوح سفينة نوح

 بقلم /عمرو ممدوح
سفينة نوح

فوق سطوح غيتي
ابكي يا حمامي ونوح
عن وطني اللي كان دنيتي
احكي ياطيري وبوح
قتلوا وليد فرحتي
وقلبي كلي جروح
الاسود سواد دمعتي
على كل ابن يروح
ابكي ياطير غيتي
غرقت سفينة نوح
في الموجة تاه مركبي
ووطني على اللي راح بينوح
مكتوبللي على أرضها
الموت فين ما أروح
وكلامي في حب الوطن
مجرد حلاوة روح
ارقص يا طيري الوفي
رقصة حمام مذبوح
كل اللي كان انتهى
والقلب صار مجروح
اصل الطوفان ابتدى
وراحت سفينة نوح
ياطير على غيتي
ابكي معايا ونوح
ضاعت خلاص دنيتي
وقتلى ياناس مسموح
لا سمعوا يوم شكوتي
وديوانهم لي مش مفتوح
في كل يوم دمعتي
على حزن قلبي تبوح
من حزني شعري اشتكى
الكلمة ناقصها الروح
ضاعوا شباب الوطن
على حديد ممسوح
وفين هيكون العزاء
اصل الولد مذبوح
اصل الطوفان ابتدى
وغرقت سفينة نوح

15 / 1 /2013

ليست هناك تعليقات:

إرسال تعليق