قسوة سنينك علموني ازاي اخاف
مبعترضش على الغلط
واضحك واسقف للانحراف
ف المدارس علمونا الانضباط
اننا ننسى اللي فات
ننسى الكفاح
من اللي جي واللي راح
نفضل نخاف
متفكروش متحلموش اوعى نسمع
في يوم كلام
اوعى تصرخ من الألام
خليتوا عمري سنين عجاف
بس انا مبقتش اخاف
صوتي اللي انخرس مليون سنة
اصبح بيعلى بالغنا
وبح من الهتاف
خلقتوا مني انسان جبان
وفي الميدان اتقلب كل الزمان
واللي كان من يوم ماتولد
عايش جبان
صبح بطل مبقاش يخاف
عرفت صوتي بألف صوت
واللي اعترض لن يموت
وان جبني كان من طول السكوت
من النهاردة مش هتمنع عن الهتاف
علميني اكون قوي
مش بنار حبك اعيش انكوي
وان صمتي مش بطولة
وجبني مش علامة من ايات الفحولة
ليه خلقتي مني انسان ضعيف
عبد للقرش والرغيف
اشوف في نيلك السم زعاف
خليتني ادور في الخيال عن وطن
ويضيع مني المكان واسب والعن في الزمن
ومن اللي جاي افضل اخاف ؟
لكن انا مبقتش اخاف
صوتي راح لحد السحاب
والوحيد في قلب الميدان
لقي لوحدته الاف الصحاب
دلوقت صرنا بشر
غيرنا القدر
من النهارده مفيش اخوان
ردحذف